علاقات عاطفية غير رسميه قد تدمرك نفسياً
 |
| دليلك للتعامل مع العلاقات السامة Toxic Relationships |
انتشر في الفترة الأخيرة مصطلح العلاقات التوكسيك أو العلاقات السامة
وبنشوف كتير من العلاقات بين الشباب علاقات غيرشرعية ومن غير علم الأهل ودي لوحدها بيكون معاها ضغط وتعب وألم وغالباً بتنتهي نهايه مش حلوه خالص غالباّ في طرف بيتظلم وبيكون مستنزف نفسياً وديماّ بنسمع الجملة دي .
"أصل إحنا متصاحبين وبنحب بعض وهنتخطب وهنتجوز إن شاء الله "
دا معتقد راسخ جوه عقل كل طرف في العلاقه إنه قد يكون حلم لطرف ما في العلاقه وطرف آخر لا ، أو حلم ليهم الاتنين ، وده علي حسب مصداقية ونية كل طرف في العلاقة
فالعلاقات اللي من النوع ده بتكون علاقه سامة لأنها مؤذيه من الناحيه النفسية والناحية الدينيه حرام وفي آيه في القرآن الكريم بتوضح لينا معاير الارتباط الشرعي
(وَلَكِنْ لا تُوَاعِدُوهُنَّ سِرًّا إِلَّاأَنْ تَقُولُوا قَوْلًا مَعْرُوفًا)
فحافظوا علي مشاعركم ونفسيتكم من التعب واحفظوا كرامتكم وانتظروا النصيب الحلال دايماً احرص علي وجود علاقات ليها قيمه في حياتك وتدفعك للأمام " الإختلاط بالصاحين يصحلك "
واحرص دائماًعلي أن تختار ترتبط بأشخاص أسوياء فكرياً ونفسياً حفاظاً علي صحتك النفسية
علامات تدل علي إنك في علاقة سامة
1- لا تستجيب لحديثهم
مش أي كلمه تتقال عنك وأي نقد تصدقه خليك دايماً مؤمن بحلمك وبنفسك وواثق في نفيك مهما قابلت ناس تقلل منك مهما شفت منهم رد فعلك مختلف مش يرضيك , أول ما تحاول تبعد عنهن وتتحرر هتحس إنك لوحدك بس ده أهون كتير من إن يكون ليك علاقه بناس سامه في حياتك وبتأثر عليك سلبياً ونفسياً وعلي أفكارك ومشاعرك
2-أجعل لنفسك مساحه من الخصوصية
من البدايه تحاول تحافظ علي خصوصيتك وتوضح ده لأطراف العلاقة بحيث محدش يعدي حدوده معاك وده مش ضد الحب ابداً , ولكن ده ممكن يكون جدار حمايه ليك ولعلاقتك علشان متتحولش من علاقه صحية لعلاقه سامة لو كل اتنين مرتبطين كل طرف عنده هوايته الخاصه ووقتهم الخاص اللي بيقضيه لوحده فكل واحد هيكون عنده تفاصيل يشاركها مع التاني وبالتالي العلاقه هتكون مليانه تجديد وشغف وبدون ما حد يفرض سيطريته علي التاني
3-اخبر الشخص بما تشعر به
4-تحكم في ردود أفعالك
وأنت بتتعامل حاول يكون عندك المرونة في استجابه الأفعال والأفكار ومش تستجيب لأي فعل اتتحكم في رد فعلك تجاهم بحيث مش تتأثر بكلامهم السلبي .
متسمحش لعقلك يستجيب ويصدق كلام ممكن يهز ثقتك في نفسك ويخليك تقل من تقديرك لذاتك
5-انهاءالعلاقة السامة
ده آخر حل وآخر قرار هتوصله بعد ما تكون عملت اللي عليك وجبت أخرك من العلاقة دى انهى العلاقه لما تكون جربت كل الطرق والحيل علشان تتأقلم وتتكيف مع الشخص ده ومعرفتش , فمتجبرش نفسك وقلبك بالعافيه على وجودك في مكان مؤذى لنفسيتك ولمشاعرك وكل يوم تنطفي عن اليوم اللي قبله وفي الآخر أنت سيد قرارك أنت تستحق تعيش سعيد مبسوط متقدر شبعان اهتمام واحتواء وتقدير