محتاجين نُدرك بعقلنا إن الأصل في العلاقات هو الاختلاف وليس الخِلاف
 |
| سر نجاح العلاقات العاطفية |
أول خطوة في نجاح العلاقات هو تقبل شريك الحياة تقبل اختلافة عنك وطبيعي يحصل خلافات بس الأفضل إن يكون عندنا الوعي الكافي في إداره المشكلات .
كل شخص بيكون جاي من بيئة مختلفة بطباع مختلفة عن الآخر ومش معني إننا مختلفين عن بعض يبقى يكون في بينا دايماً خلافات قايمه ومش معني برضو إننا مختلفين إننا منحترمش وجهات نظر بعض ونسمع بعض مهم جداّ تحترم الاختلافات اللي بينكمم .
" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً "
أساس العلاقات هو المودة والرحمة وكل طرف سكن ودفا وملجأ آمن للتاني .ما نيتك تجاه شريك حياتك ؟
في بداية علاقتك حدد نيتك من شريك حياتك الأول لو كانت نيتك هي علاقة محورها شهواني مبنية علي الإعجاب بالشكل فقط فتأكد إنها هتكون مملة بعد فتره من الوقت لأن طبيعة العلاقة الشهوانية مملة وطبيعة الإنسان إنه شخص ملول بيمل من تكرار نفس الشيئ حتي لو كان بيحبة جداً , أما لو كانت نيتك علاقة عاطفية فقط فهتكون عمرها قصير برضو وده مش معناه ننفي دور الحب , لكن الحب محتاج العقل يشتغل معاه
شكل العلاقه الصحيح
إن تكون العلاقة مبنية علي المشاركة بين الطرفين مش المصلحة الفردية , إن تكون العلاقة فيها تضحية مش أنانية , يكون فيها توازن في كل شئ وتطوير ما بينكم
هل تحترم شريك حياتك ؟
من البداية خالص من وقت الخطوبة لازم كل طرف يكون بيحترم التاني ويقدرة علشان مبدأ الاحترام والتقدير يستمر بينكم طول العمر , الاحترام يكون بينكم وبين بعض وقدام ناس , مينفعش شخص يهين التاني ولا يقلل منه أثناء حوار أو مناقشة لازم تتفقوا علي النقطه دى مع بعض من البدايه علشان نقلل الخلافات الصغيرة اللي ممكن تكبر وتتراكم وتعمل مشاكل أكبر في المستقبل .هل تثق في شريك حياتك ؟
ما م الثقة مبدأ مهم جداً وأساسي في نجاح العلاقات علي المدي الطويل , أعتقد لو مفيش ثقة مُتبادلة بين الطرفين من البداية العلاقة هيكون فيها شك مستمر وعمرها هيكون قصير
هل التواصل مع شريك حياتك يرفعك أم يحبطك ؟
دكتور جون جوتمان خبير بارز في الدرسات الزوجية بعد أكثر من 20 عاماً في البحث في العلاقات الزوجية ذكر إن أفضل مُتنبئ للطلاق هو عندما يظهر أحد الشريكين أو كلاهما ازدراء في العلاقة , الازدراء هنا عكس الاحترام وهوإنك تسخر من شريك حياتك وتنقده بشكل دايم ده هيزود المشاكل أكتر المفروض نفصل ما بين السلو وشخصية شريك حياتي واتعامل معاه بنائاً علي السلوك الصادر بدون نقد دايم ليه هو شخصياً هنا نقدر نقول نوصل لهدف التواصل الجيد هو التطور والنمو وده هو هدف العلاقات الناجحة
االاتفاقات من بداية العلاقة
علشان نسهل الأمور علي بعض لازم الاتفاقات تكون من بداية العلاقة ( فترة الخطوبة ) سواء الاتفاقات علي شغل أو نظام الحياة والعيشة المستقبلية مهم نوضح الرؤية لبعض من ااحتياجات وطريقة تعامل وكل حاجة كل ده هيخلي في التعامل يسر ولطف ومحبة .
اقرأ أيضاً
ما شاءالله تحليل رائع
ردحذفتسلم يا دكتور
حذفشكرا جزيلا
ردحذفالعفو
حذف