التحرر من التعلق بشخص ما أمر ليس صعباً ولكنه يحتاج منك عزيمه وتحدى
 |
| التحرر من التعلق المرضي بالأشخاص |
لو أدركنا الفرق بين حاله التعلق المرضي وحاله الحب الصحي هنقدر نتخطي ألم التعلق بالأشخاص أو الأشياء , التعلق المرضي بالأشخاص أمر في منتهي الصعوبه والوجع , كونك توهب وقتك وحياتك في التفكير والحزن علي شخص فارقك فده بيقيد حياتك وبيخليك في أضعف حالاتك واقف عند مرحله معينه مش قادر تتخطاها , بيأثرعليك نفسياً وجسمانياً , التعلق بشخص ما بيسرق استمتاعك بالحياه وفجأه تلاقي عمرك انتهي في لحظه , لمجرد إنك وهبت نفسك ووقتك في البحث وراء شخص مش موجود في حياتك فارقك سواء بالموت أو في الحياه بشكل عام
بكل تأكيد تقدر تتحرر من تشبّثك وتعلقك بالأشخاص والأشياء عندما تُدرك حقيقة الدنيا الفانيه
" الدنيا من أولها إلي آخرها لا تساوى غم ساعه فكيف بغم العمر "
صحح معتقداتك
لازم تُدرك وتعي إن في حاجه إسمها قوانين الحياه ودى ثابته مبتتغيرش سواء شئت أم أبيت
قانون الزوال أى أمر في الدنيا إما هتفارقه أوهيفارقك بعد عمر طويل فده يعرفني إن احط حدود في تعاملاتي مع الناس علشان متعلقش واتوجع
معروف إن الأصل في العلاقات رحمة و وِد و إنها تكون علاقات صحيه ومشاعرنا تكون فيها مشاعر حب صحي مش حب تمللك مُقيد بوجود شخص معين ولو سابني أدخل في نوبه إكتئاب وحزن , اللي بيقيس ده هي طريقه تفكيرك أنت ومفهومك عن العلاقات الناضجه بإنك تقدر تعيش حاله حب مُتزن عاطفياً أوممكن تندفع وتبالغ في مشاعرك لحد ما تصبح شخص مُتعلق تحت رحمه البني آدمين , التعلق المفرط مسموح بيه مع الله سبحانه وتعالي ده لازم نبالغ في حبنا ليه .
سبب التعلق
السبب إللي بيجعل البعض يتعلق هو خوفهم من فقدان الأشياء أو الأشخاص وإن سعادتهم وراحتهم وأهدافهم هتتحقق من خلالهم بس , علشان توصل لمرحله التحرر والسلام الداخلي اتعلم تجعل مشاعرك محايده , سواء وصلت لهدفك أم لا لازم تخلي مشاعرك مُتزنه
نتيجة لأبحاث ودراسات علمية توصلوا إلى حلول عمليه وخطوات تساعدنا في التحرر من التعلق علشان نوصل لمرحله الهدوء النفسي ونتخلص من الوجع اللي أحياناُ محدش بيحس بيه غير صاحبه .
1- اعترف إنك مُتعلق
متنكرش وجود الشعور علشان هروبك من مواجة نفسك بيزوده جواك ومش بيتنسي اعترف لنفسك أو للمختص اللي بيساعدك أو صديقك إنك فعلاً متعلق بشخص ما وعايز تتحرر من التعلق ده
2-بطل تتابع اي أخبار خاصة بيهم
أول خطوات التعافي إنك تمسح كل الحاجات اللي ممكن تفكرك بالشخص دا تخلص من كل الذكريات اللي تفكرك بيه لأن كل ما هتفضل تتابع اخبارة وتشوف هو بيعمل إيه و عايش ازاي هتفضل في مكانك محلك سر ولا هتنسي ولا هتعيش حياتك طبيعي ..
3- خذ قسط من الراحة
خد أجازه من كل حاجه ارتاح من التفكير والقلق، راجع نفسك، ابعد عن كل الضغوطات اللي حواليك سواء شغل، جامعه، ناس بتكلمك وبتضغط عليك , سوشيال ميديا , اعمل عزله إيجابية لنفسك افهم مشاعرك ونفسك من جديد اتعلم من أخطائك
4- نام عدد ساعات كافي
النوم في الفترة ديه مفيد جدا، وخصوصا لو نمت بدري وصحيت بدري هتظبط الساعة البيولوجيه لجسمك .لأن خلال فترة النوم الجسم بـ يفرز هرمونات ومنها هرمون الميلاتونين وده سموه (هرمون النوم )اللي بيساعد جسمك على الشعور علي الراحه
5-اعمل حاجات بسيطة تفرحك
- أتفرج علي التلفزيون برامج تثقيفية , فيلم , مسلسل
- انزل أخرج خروجه تبسطك مع اصحابك اللي بقالك كتير مش بتشوفهم ،
- معندكش صحاب تخرج اخرج اتمشى لوحدك أو قرب اكتر من اهل بيتك
- اققعد وسط ناس بتحس معاهم بالأمان اشترك في جروبات أو أنشطه في الجامعه أو في الشغل
- هتقرأ كتب هتزود ثقافتك اكتر وثقتك هتزيد اكتر هتتعافي بسرعه
اقف كل يوم قدام المراية وواجه نفسك وادعمها بكلام ايجابي اتكلم مع نفسك الداخليه بصوت تحفيزى قولها احنا كنا في علاقة بتأذينا وخرجنا منها خلاص علشان نعيش بشكل صحي بعيد عن الضغط النفسي وجلد الذات ،قول لنفسك إن الحياه مش هتقف دي مستمره وممكن أضيع عمري لو مخرجتش من الدوامه دي
الأنشطة البدنية من اكتر الحاجات اللي بتساعد في التعافي، لأنها بتعزز من إفراز هرمون السعادة “الإندورفين ” في الجسم وبتخرج كل الشحنات السلبيه اللي مسيطره عليك ومتحكمه في افكارك
9- اتكلم مع صديق مقرب ليك
10- الكتابه والتدوين
11- اتكلم مع مختص نفسي أو لايف كوتش
الخلاصه
تخيل لو نفذت الخطوات دى لمده شهر حياتك هتتغير ازى وهتتحرر من أي مشاعر مسيطره عليك سواء حزن او إكتئاب
 |
| التحرر من التعلق المرضي بالأشخاص |