هو ايه السبب اللي بيزود المشاكل بين الأشخاص في العلاقات عامه وفي العلاقات الزوجيه بشكل خاص
"جون جوتمان" باحث في الإستشارات الزوجيه قالنا فى كتابه"المبادئ السبع للزواج الناجح "إن في 4 مهددات اطلق عليهم (الفرسان الأربعه ) لو فضلت ثابته في العلاقه من غير ما نحاول نغيرها العلاقه مش هتستمر وهتوصل للانفصال ولو استمرت هتكون علاقه فاشله غير مريحه .المهددات دي بتظهر اكتر في الشجار أو الخلاف ما بينهم لما بيكون في مشكله .
سوف نعرف ما هي الكلمات التي تؤدي لإنتهاء العلاقه الزوجيه
1- النقد
باسلوب بسيط جدا بمعني إن المشكله دلوقت بالفعل حصلت اللي بيحصل ان كل واحد بيبدأ ينقد شريك حياته ويفترض نوايا غير حقيقيه زي انت شخص أناني أنت مبقتش تفهمني ولا بتحبني إنتي نكديه وهكذا
الصح هو اننا نعرف ونحدد المشكله بمسمياتها الحقيقه بدون نقد خالص
مثال مثلا
( ممكن لما تتأخر تقولي علشان بقلق عليك ) أو ( لو مشغول بس تقولي وهكلمك بعد شويه بدون تجاهل) ( لو أتأخرت عليك في الرد لازم تستحملني يمكن مضغوط شويه) وهكذا
2- الدفاع
إن كل واحد هيبدأ يدافع عن نفسه بالطريقه اللي تخصه لأن ده الرد الطبيعي للنقد لما حد ينقدني اكيد هدافع عن نفسي وليكن مثلاً مش أنا السبب في المشكله أنتي السبب لا أنت أنا معملتش حاجه وهكذا .
من المفترض طبقاّ " لجوتمان "إن الصح هو إننا نركز علي مسؤليتنا تجاه المشكله مش بس الدفاع لأنه عامل قوي جداً لهدم العلاقه ولو حد غلطان يحاول يتحمل نتيجه الغلط ده ويحل المشكله مع مساعده الشخص الآخر له .
3- التجاهل
وده تصرف للأسف بيعمله بعض الرجاله معظم الوقت إن المشكله تحصل والست تبدأ تشتكي وهو يبدأ ينعزل ويتجاهل او ينشغل تعمداً عنها ولا كأنه شايف ولا سامع
وده ليه سبب نفسي قالو ان دي طبيعه الراجل فسيولوجيا لما المرأه لما بتعبر أو تشتكي الراجل بيحس بكرب وضربات قلبه بتزيد فيبدأ يتجاهلها ويريح دماغه ويبعد في الوقت ده واللي بيحصل إن الست هي اللي بتتعب نفسيا وجسديا من الضغط والحمل اللي بتشيله لوحدها وده بسبب تجاهل وانعزال الرجل عنها.
الصح هو إننا نفهم إن دلوقت في ثوره من الغضب والإنفعال الزايد فحل المشكله مش بالتجاهل او العصبيه الحل بالحوار المتبادل والكلام بعد هدوء الأعصاب لان دي طبيعه بشر الشخص اللي بيتعصب ده بياخد قرارت غلط ومش بيوصل لحل المخ بيكون في حاله غير طبيعيه فنحاول نغير المود بأي طريقه وبعدين نحل المشكه .
4- الإزدراء ( التحقير)
الصح هو الإحترام المتبادل ما بينا مهما زادات مشاكلنا وضغوطات الحياه ونحاول نوصل لحل يرضي كل الأطراف .
هو إن بقدر الإمكان لو المهددات دى موجوده في اي علاقه نحاول نتخلص منها مش من المفترض إنها تكون حاجه ثابته في العلاقات
العلاقات القويه محتاجه مسؤوليه من الطرفين مش من طرف واحد
