لغات الحب الخمس للمتزوجين

حبني زى منا عايزه .............. ينفع ؟
حبني وقولي كلام حلو واهتم بيا وشجعني
أنا عايزه هديه في عيد ميلادى .
ممكن تحضني عايزه اطمن ، أنا خايفه
طيب ينفع تساعدني في شغل البيت؟ ..... علشان تعبت من الشغل وجسمي تعبني

ممكن نخرج مع بعض علشان من زمان ما قضينا وقت لوحدنا زي زمان

حبني بطريقتي

بيحصل مشاكل كتير بين المخطوبين وبين المتزوجين بسبب عدم الاهتمام والتقدير لطرف ما في العلاقه رغم ارتباطهم عن قصه حب واقتناع , والسبب الحقيقي هنا مش إن في شخص مش بيحب التاني ولا إنه مش عايز يكمل معاه السبب الحقيقي إنهم مش فاهمين لغه الحب بينهم مش فاهمين إن كل شخص عنده نمط خاص من الحب عايز شريك حياته يحبه بيه فمعظم الناس مش فاهمه ده , لكنهم مرتبطين أو متزوجين في إطار علاقه هنعرف في المقال ما هي لغات الحب الخمس

ما هي لغات الحب الخمس للمتزوجين

سنه 1992 أصدر الكاتب الأمريكي واستشاري العلاقات جاري تشابمان كتاب بعنوان لغات الحب الخمس في الفتره دي الكتاب ده عمل ضجه كبيره جداً وحقق مبيعات كتيره وكان من الكتب الأكثر مبيعاً في الوقت ده

السؤال هنا ؟ ما هي لغات الحب الخمس اللي ذكرها الكاتب ؟

وازي نقدر نعبر عنها هذا هو ما سنجيب عنه في هذا المقال

لغات الحب الخمس

ذكر الكاتب في كتابه باختلاف طباع البشر واختلاف أشكالهم عن بعض إلا إن لكل شخص لغه حب خاصه به ويقصد بلغه الحب هنا هي طريقه التعبير عن المشاعر وكيف يفضل كل شخص طريقه التعبير عن الحب للأخر وكيف يفضل أن يستقبل الحب من الطرف الاخر
*في شخص ممكن يحب بأسلوب أو اتنين بس
*وفي شخص ممكن يستخدمهم كلهم
*وفي شخص مبيعرفش يعبر عن حبه بس هو من جواه طيب وبيحب جداً

هنتكلم عن كل لغه من لغات الحب بشرح مختصر علشان نقدر نطبقها مع شريك حياتنا

شاهد أيضاً موضوعات تهمك

الفرق بين الحب والتعلق

بعض الكلمات تؤدي لإنتهاء العلاقه الزوجيه / تعرف علي الحلول

1- كلمات التشجيع والتقدير

ذكر الكاتب في كتابه إن مهم جداً لكل شخص في العلاقه أن يقدر مجهود شريك حياته , المجهود المبذول علشانه سواء في تربيه الاطفال أو في البيت أو ليه بشكل خاص في علاقته , وده هيزود من رصيد حبهم لبعض وكل طرف هيحس إن حبيبيه مقدر تعبه ومهتم بيه و الكلمات اللي فيها تشجيع وتقدير بتدفع الحبيب إن يعمل أي حاجه في سبيل سعاده شريك حياته

"أهم ما يجعل العلاقات تستمر هو الحب الممزوج بالعطاء والتقدير والاهتمام "

2-وقت خاص من أجل الحبيب

من وقت للتاني كل شخص محتاج يقضي وقت خاص مع حبيبه علشان يحس باهتمامه وحبه , وقت تحكيله عن يومك ايه اللي حصل فيه , تتكلم عن حاجه مزعلاك عن مشاريع وأفكار جديده عن حياتكم المستقبليه الوقت ده لو اتكرر في الاسبوع أكتر من مرتين تلاتة هيقربكم من بعض جداً وهيجعل لغه التواصل بينكم مفهومه ومرغوب فيها , الوقت ده هيخليكم تكتشفوا حاجات جديدة في نفسكم وتقدروا تعبروا عن احتياجتكم ورغابتكم لبعض

وقت خاص للحبيب

3-التلامس الجسدي

من أكثر الناس استخدماً للنمط ده في التعبير عن الحب والمشاعر هم الأشخاص العاطفين , بالنسبالهم الحضن ولمسه الإيد تعبرعن كل الأحاتسيس والمشاعر اللي جوانا , وده مش عيب جداً إننا نطلبه من شريك الحياه في العلاقه الزوجيه بالعكس ده حق لكل طرف وده احتياج طبيعي وعريزه موجوده فينا من الطفوله

4-الأعمال الخدميه

فكره إنك تثبت كلامك وحبك بالأفعال ده سبب قوى جداً لنجاح اي علاقه , أنك تساعد شريك حياتك في شغل البيت مش هيقلل منك بالعكس هيزود ما بينكم الحب أكتر وكمان ده تقليد لمعامله الرسول صلي الله عليه وسلم لزوجاته

5- تلقي الهدايا

ودي اكتر حاجه بتفرح أي شخص لما شريك حياته يفتكر عيد ميلاده أو اي مناسبه ويعمله مفاجأه ويجيبله هديه بسيطه . وبتفرح أكتر لو من غير مناسبه .

هدايا بدون مناسبه

خلاصة الكلام

المشاركه والتفاهم والاحترام والتقدير والوفاء وتحمل المسؤليه هما دول الحب الحقيقي وهما سبب نجاح اي علاقه في حياتنا

حبني بطريقتي , مطب المشاكل الزوجية

لغات الحب الخمس للمتزوجين

هنتكلم عن كل لغه من لغات الحب بشرح مختصر علشان نقدر نطبقها مع شريك حياتنا

الفرق بين الحب والتعلق